今晚英超快车头场之一，阿仙奴作客对狼队。狼队自射手鲁尔占美尼斯养伤后，战绩一直有跌冇升，反观阿仙奴愈战愈勇，尤其客场特醒，队长奥巴美扬今仗有望复出更添火力，加上近年造访狼队佔尽上风，「兵工厂」让平半上盘有计。

　　狼队态沉走下坡
　　狼队今季明显走下坡，主帅纽奴希望一改近两季稳守突击风格，刻意加强控球增添进攻元素，可惜效果欠佳，变成攻不锐、守不稳。而且射手鲁尔占美尼斯喺首循环作客阿仙奴头部重创，冇咗呢名数胡人物，佢哋近11场联赛仅得1胜3和7负，入得10球咁大把，就算冬窗从皇苏买入嘅韦利安荷西，上仗输畀水晶宫一役亦踢到冇影，仍需时间融入。

　　另一边厢，阿仙奴自起用新星伊美路维担任进攻中场后，犹如打通任督二脉，近7场联赛取得5胜2和未输过，上仗略佔优势下主场同曼联踢和0比0，有啲唔抵，佢哋近期作客发挥更佳，已经连赢3场，喺冬窗从皇马借得嘅挪威神童马田奥迪加特，上仗已经后备落场，而奥巴美扬之前因为要陪伴病母缺阵3场，据报呢位队长今仗可望复出，专心为球队搏杀。

　　何况自英超成立以来，阿仙奴6次作客狼队取得5胜1负，绝对唔惊今非昔比嘅狼队，上盘稳阵。