歐國聯A4另一場第2輪賽事，由瑞士主場迎戰德國。兩隊首輪同樣失分，自然想盡快敲響勝鼓。瑞士首戰作客1比2輸畀烏克蘭，主場出擊必以全取3分做目標；作客嘅「日耳曼軍團」上場臨尾香被西班牙逼和，爭出線不容再失。兩隊大部分球員都曾經喺德甲比賽，摸熟曬對手踢法，加上近年交鋒多波入，必捧3.5球大盤。

　　瑞士上屆殺入4強，分組賽試過6比0血洗冰島，同5比2大破比利時，鋒力唔使擔心。德國雖然未有徵召一班歐聯冠軍拜仁慕尼黑嘅球員，但中前場仍然球星如雲，迪姆華拿上仗對西班牙已展示精湛射術，配合利萊辛尼及祖利安白蘭特等進攻好手，破關能力有保證。

　　熟曬窿路特別開放

　　瑞士同德國呢兩位「鄰居」關係密切，瑞士上場正選11人，有8個喺德甲搵食。由於雙方踢法熟曬窿路，近年對賽特別開放，近3次交鋒總入球全開4球或以上，今場進取啲要3.5球大盤。