今晚英超上演護級大戰，尾五的韋斯咸主場硬撼尾四的屈福特。鐵錘幫前鋒米查利安東尼奧上仗四喜臨門，加上要爭取續約，今仗勢延續勇勢領軍全取關鍵三分，超過兩倍主勝有買趁手。 

　　兩隊同得三十四分，韋斯咸得失球較佳排尾五，屈福特排尾四，故今仗三分對雙方都很重要。鐵錘幫上輪聯賽作客4:0大炒諾域治，近四戰兩勝一和一負狀態不俗之馀，射手米查利安東尼奧上仗食出大四喜，上述四戰共入六球狀態正勇。 

　　同時，米查利安東尼奧和鐵錘幫尚馀一年合約，領隊莫耶斯明言：「要確定來季出戰哪一級別聯賽，才可以部署續約事宜，現階段我們必須全力勝出馀下每一仗。」為個人前途著想，米查利安東尼奧勢繼續拼盡領軍爭勝，而且中場麥克盧保英超近兩次對屈福特都有士哥共入三球，今仗可望跟前者聯手撕破對手防線。 

　　屈福特英超主場連贏諾域治和紐卡素，狀態亦不輸蝕，惟作客表現遠遜主場，今季聯賽客戰僅二勝四和十一負，最近四次出征全敗共吞八蛋，簡直攻不銳守不穩。對賽往績，該隊又處下風，近四次對韋斯咸只錄得一勝三負，故今晚造訪倫敦體育場實無把握全身而退，主勝早買有著數。