周日澳職頭場兩支近況勁頹的球隊對撼，西部聯主場迎戰中岸水手，2隊已超過1個月未贏波，其中西部聯四場不勝，中岸水手更已六連敗。但西部聯對上一仗勝仗，正是主場三球大破水手，當時射手貝利沙更梅開二度，今仗有望再做贏波英雄，西部聯佔主場之利僅讓平/半，直取上盤。

　　西部聯今季雷聲大、雨點小，雖說有前澳職入球王貝利沙，以及前意大利國腳級中場迪亞文迪壓陣，但經歷季初一輪搶分後，各支澳職球隊似乎已看穿其踢法，戰績開始下滑。不過，今仗迎戰比他們更加頹的水手，正是反彈好時機，事關一月兩軍同樣在西部聯主場對碰，當中西部職上半場就已領先三球，反映出兩軍實力差距。 事實上，中岸水手屬澳職最弱球隊，早前榜尾大戰中作客3:4不敵紐卡素噴射機後，球隊持續沉淪，而該隊最大問題是入球能力不足，踢了18場竟只入得17球，場均一球都冇，加上該隊近34場作客只獲2勝，其馀錄得5和27負的差劣戰績，落敗率高達78%，料今仗斗矢志反彈的西部聯難望呈強，主隊讓平/半，上盤穩開。