周四凌晨
歐聯4強次回合，
熱刺作客同
阿積士爭奪最後1個決賽席位。首回合主場輸0比1嘅熱刺，想晉級非勝不可，
南韓射手
孫興民首回合停賽後強勢復出，誓要帶領球隊絕地反擊，況且阿積士喺今屆淘汰賽階段明顯「客強主弱」，難有本錢讓波，捧1.72倍讓球客勝。
荷蘭班霸客強主弱
先後淘汰
皇家馬德里同
祖雲達斯兩支歐聯傳統勁旅嘅阿積士，早前踢4強首回合，再靠
雲迪碧克一箭定江山贏波，延續驚喜表現，今場返回主場再斗熱刺，阿積士只要唔輸波，就可繼1996年後再入決賽。
阿積士青訓係統向來喺歐洲數一數二，今屆呢支
荷甲代表能夠喺歐聯一路高歌勐進，
法蘭基迪莊同
馬菲斯迪歷特等青訓出身嘅骨乾球員，絕對功不可沒，呢班球員由細到大都被灌輸「進攻就是最佳防守」嘅戰術理念，相信就算攞住1球優勢，次回合都未必會死守。不過阿積士近3次歐聯主場僅取2和1負，主場表現反而一般，早前16強同8強淘汰皇家馬德里及祖雲達斯，都要靠次回合喺客場奠定勝局，今次面對熱刺要先主後客，大賽經驗欠奉嘅阿積士小將們隨時會不知所措。
值得留意，首回合阿積士能夠贏波，同賽前得到荷甲賽會遷就，唔使踢聯賽，球員體能儲備充足有一定關係；但嚟到次回合就冇呢支歌仔唱，阿積士啱啱踢完
荷蘭盃決賽，對備戰今場次回合生死戰肯定有影響。
傳哈利仔有望上陣
熱刺首回合開局冇耐失守，明顯未適應阿積士嘅技術型踢法，好彩球隊及時畀領隊普捷天奴點醒，下半場即刻攞番主動權，可惜礙於前場兵源短缺問題，未能成功破蛋，亦凸顯
孫興民嘅重要性。好彩今場「老孫」坐完波監復出，呢位南韓射手走位飄忽，擅於捕捉靚位入楔，近4場歐聯上陣入4球，腳風奇順。翻查往績，熱刺近10仗歐聯作客都入到波，加上有傳王牌前鋒
哈利卡尼有機會提早復出，熱刺今場想翻盤絕非冇可能，讓球客勝係不二之選。
