欧国盃外围赛J组，葡萄牙主场迎战卢森堡，榜首葡萄牙整体实力凌驾对手，队中巨星C朗停赛，令其他球员心理压力大减，相信会踢得更加放。卢森堡近年水准有明显进步，近3仗欧国外全胜，具备不俗反击力，加上要争出线，相信唔会坐以待毙。考虑到双方近3次交锋，总入球全开4球或以上，一於再追中位数3.5球嘅入球大。

　　葡萄牙5战全胜，合共轰入15球兼不失球，实力大超班，由於射手C朗上仗对斯洛伐克「染黄」，今届外围赛累积第3张黄牌，自动停赛1场，但佢「坐波监」对於葡萄牙反而可能系「好消息」，皆因呢位38岁老将水准走下坡，即使喺沙特联赛呼风唤雨，但踢国际赛，立即现形，上仗错失唔少入波机会，显得力不从心。

　　C朗缺阵之下，领队马天尼斯可以派出干卡路拉莫斯、拉菲尔利亚奥、迪亚高祖达等当打锋线球员，提升活力及进攻速度。而且中场般奴费南迪斯亦能够放心做「大佬」角色，有助佢发挥，令攻势更加锐利。

　　卢森堡争出线必搏尽

　　至於卢森堡目前5战3胜1和1负，同第2位斯洛伐克同得10分，为夺取前2位出线资格，肯定搏到尽。卢森堡以往被视为「鱼腩」，但近年表现脱胎换骨，并喺欧国外取得3连胜，包括击败有迪斯高、比真历等球星助阵嘅波斯尼亚，以及上仗赢冰岛3比1，攻力唔错，就算今仗输畀葡萄牙，都应该有力破蛋，入球大值博。