英足盃第3圈上演「英超戲碼」,利物浦主場迎戰狼隊,上屆冠軍利物浦身負衛冕重任,爭勝戰意必定高昂,加上「紅軍」上仗聯賽輸波,急需要一場勝仗重振士氣,必定搏盡爭取贏波晉級。至於狼隊喺英超排尾二,深陷降班威脅,無力兼顧盃賽,難阻對手強攻。翻查雙方近7次對賽,利物浦有5次上半場領先,直取半場主勝。
利物浦雖然今季開閘脫腳,但近期已經重上正軌,近5場英超贏4場,雖然上仗作客1比3不敵賓福特,但今仗佔有地利優勢,相信有力反彈。事實上,「紅軍」銳意下半季發力,簽入傳射技術出眾嘅23歲荷蘭射手加普,今場仲有望上陣展示身價,加上一眾小將冒起,18歲中場新星巴斯迪早前對阿士東維拉射入1球,仲有居迪斯鍾斯、法比奧卡華路等可造之材,後備兵源充足且質素高,輪換實力有保證。
狼隊陷降班危機難兼顧
狼隊卷入降班漩渦,今季最大目標係踢好聯賽,保住英超席位,隨時「放棄」盃賽都唔出奇,今仗戰意成疑。加上狼隊遇強即屈,今季喺聯賽對熱刺、曼城、車路士、阿仙奴、曼聯,全敗收場,面對來勢洶洶嘅利物浦,恐怕上半場就招架唔住,捧半場主勝。
相关新闻
攻略动态
盧頓 對 韋根
軍情盧頓全力在英冠爭取好成績,今場盃賽勢必輪換出擊;取分主力艾迪巴約及卡爾頓摩利斯將先列後備。一如之前的英聯盃,二線前鋒謝路美及活祖有望擔正,只是二人數胡能力麻麻。後防方 ……
[详细]
甘士比 對 伯頓
軍情甘士比上一圈英足盃派出麥艾迪、奧迪斯簡恩及基夫頓,3大攻擊主力應戰;當中奧迪斯簡恩包辦2球,成為晉級最大功臣,預計他們今場將再度正選披甲。奧迪斯簡恩上仗聯賽一箭定江山 ……
[详细]