维拉之前怒炒谢拉特，搵嚟教过阿仙奴嘅艾美利接手，佢崇尚进攻，喺11月接手後3仗正式赛事获2胜1负共入7球，早前哑火嘅丹尼艾格斯同奥尼屈坚斯都重拾射门鞋，不过3仗都有失波。而维拉喺世盃期间踢咗4仗热身赛，仅获1胜之余，其中3仗未能保持清白之身，首席门将达米安马天尼斯啱啱帮阿根廷勇夺世盃，今仗唔会把关，对於原本已不稳嘅防线更存隐忧。查实维拉近5仗联赛全开3球或以上，入得又失得。

　　阿士东维拉防守不稳狂失波

　　利物浦有佐敦轩达臣、艾利臣比加、法宾奴泰华利斯等出战世盃嘅国脚已经归队，最重要系王牌穆罕默德沙拿、堤亚高艾简达拿冇份参加世盃，抖到够等联赛重开。红军早前热身赛对里昂及AC米兰获1胜1负，而喺上周中英联盃16强以2比3不敌曼城，衞冕失败，防守亦多甩漏，不过沙拿都有波入，为咗杀上前4，今仗必定以攻代守。加上近5次交手亦有4次开3球或以上，2.5球入球大稳开。