另一场英联盃16强，狼队主场迎战基宁咸。今仗睇落强弱悬殊，狼队虽然实力高过英乙嘅基宁咸几条街，但攻力不足问题未见改善，基宁咸越级挑战一定摆铁桶阵死守，今仗唔慌多波入，建议捧3.5球嘅入球细。

　　狼队今季攻力不济，鲁尔占美尼斯自从头部重伤长抖，复出後始终未回复昔日状态，老将迪亚高哥斯达更加廉颇老矣，另一前锋柏度尼图亦受伤患困扰，导致入球偏少，单计今季英超踢咗15轮，入得8粒咁大把，系唯一入波仍只得个位数字球队，难怪敬陪末席，依家护级形势水深火热，嚟紧又有圣诞新年快车频密赛程，随时留力联赛。

　　基宁咸盃赛擅守

　　虽然基宁咸只系英乙仔，但今届3场英联盃都以稳守迎敌，其中两仗更拖到互射12码赢波，包括上圈逼和英超球队宾福特1比1，并於极刑大战6射皆中，互射12码赢6比5晋级，而呢3仗法定时间全开3球以下，今仗对住唔擅主攻嘅狼队，必定重施故技，泊晒大巴死守博偷鸡，中位数3.5球入球细更可取。