今晚意甲赛事，莱切主场对费伦天拿。新升班嘅莱切目前徘徊喺榜下游，以护级为目标，不过佢哋演出绝非不堪一击，尤其主场相当硬净，对上3仗主场都够打和对手，面对作客唔识入波嘅费伦天拿，摆明和味浓。

　　莱切球员平均质素唔高，但胜在斗志十足，每位球员多走一步做好防守，球队虽然9轮联赛只得1胜，但今季从未输多过1球，面对国际米兰及罗马等劲旅，都系仅仅落败，4次主场出击更有3次和波，作客要赢佢哋都唔容易。

　　费伦天拿名气同牌面无疑较高，但今季要兼顾欧洲赛事明显分身不暇，4场联赛作客只得1和3负，当中更有3场食白果，今季加盟嘅焦点新兵卢卡祖域只系入过1球，演出令人失望。既然两队同样欠缺入球能力，不如博和波好过。