周六凌晨西甲最後一輪戲碼,皇家馬德里主場迎戰貝迪斯。早早鎖定西甲冠軍嘅皇馬,近期聯賽頻頻派副選出戰,貝迪斯防守硬淨,半力出戰嘅「銀河艦隊」未必能夠於開賽早段搶得先機,捧半場和好過。
今季提前重奪西甲冠軍嘅皇馬,早前已經喺馬德里舉行勝利大巡游,同球迷分享喜悅,呢場係「銀河艦隊」今季最後一次地頭出擊,慶祝派對當然唔可以畀佢停。
貝迪斯近6仗作客開半和
不過嚟緊皇馬仲有場非常重要嘅比賽,就係喺歐聯決賽惡斗利物浦,近幾輪聯賽例行公事,就成為佢哋備戰嘅好機會,捷西斯華利祖等出場機會較少球員,近仗經常獲派上陣,一方面等賓施馬等主力有更多機會養精蓄銳,另一方面領隊安察洛堤亦積極試陣,嘗試唔同球員配搭。半力出戰下,皇馬上場就被護級分子卡迪斯逼和1比1,今場攻力亦不宜高估。
貝迪斯今季勇奪西盃,亦已鎖定來屆歐霸席位,表現已經收曬貨。佢哋季尾防守出色,近6場作客法定時間只失過1球,全部半場都同對手打和。值得留意,球隊近4次作客皇馬保持不敗,而且4次都保住清白身,信今場要應付皇馬攻勢問題不大,半場和值得再追。
相关新闻
攻略动态
芬洛 對 迪加史卓普
軍情芬洛前鋒施雲巴簡上仗聯賽先開紀錄,今季聯賽個人入球數字已增至12球,繼續是球隊爭勝重心。借將前鋒貝丹因今季上陣場數足夠,啟動了買斷合約條款,下季將繼續留隊。迪加史卓普 ……
[详细]
施禾利 對 洛達
軍情施禾利老將左閘雲軒杜姆今季表現依然出色,穩佔正選,早前與球會續一年新約,兼有一年續約優先權。球隊剛失落榜首位置,主將雲普倫提醒隊友要在餘下賽事傾盡全力爭冠,並強調球隊 ……
[详细]