今晚英超有利物浦同阿仙奴睇，邪神讲吓红军主场迎战李斯特城。利物浦攻力冠英超，上个月喺穆罕默德沙拿及沙迪奥文尼缺阵下仍保持高入球数字，如今沙拿已归队，攻力更有保证，李斯特城踢法开放，近4场就有3场开5球或以上，中位数3.5球入球大靠得住。

　　利物浦22战攻入58球冠绝英超，沙拿及文尼角逐非国杯而缺阵一个月，但红军锋力不减，近两仗联赛合共攻入6球，随住非国杯结束，沙拿已经先归队。虽然行程紧密，但佢似乎好快已经「回气」，喺寻日嘅红军操练已经见到呢位埃及球星嘅身影。利物浦领队高普就透露，话好大机会今场就实时用佢：「沙拿归队之后，我同佢倾过计，佢当然有啲失落，但对未来赛事非常期待。」高普仲引述沙拿︰「我已经Ready！」

　　事实上，高普就算唔出齐「埃及文明」，红军喺冬季转会窗期间已签入路尔斯戴亚斯，令攻击阵容劲上加劲，上周英足杯仲有哈维艾利洛复出即刻入波，利物浦堪称「周身刀、张张利」，全部都可置对方于死地。

　　李斯特城中咗「小区盾魔咒」，上周英足杯第4圈，更大败于诺定咸森林脚下，虽然联赛频频失分，但佢哋仍然位居中游，主要因为佢哋踢法主动，尽量争取入波，经常抢到分。