周四凌晨英冠独脚戏，「5哥」西布朗主场迎战普雷斯顿。虽然两军排名差成条街，但西布朗向来守强攻弱，尤其系初段踢得小心翼翼，普雷斯顿造访强敌亦唔敢冒进，半场和值得捧场。

西布朗虽然位居前列，但早前陷於低潮，各项赛事近6仗只得1胜，就系上轮联赛3比0击败彼德堡，总算成功止跌，喺呢6仗仅入5球，其中3仗更交白卷，阵中首席射手哥林罗宾逊今季联赛只有5球进帐，攻力欠锐系最大问题。查实西布朗战罢27轮联赛，仅入34球，系前6中入波最少球队，不过话分两头，佢哋只失20粒，失球之少冠绝英冠，由前拜仁後衞艾斯美执教下，战术上明显更重视防守。

普雷斯顿作客求稳

另一边厢，普雷斯顿则喺中下游挣扎，好彩近5仗联赛取得2胜2和1负，包括作客以2比1反胜史笃城，不断抢到分无疑令信心提升，单计近3仗联赛作客全开半场和，睇得出其客场稳阵行先策略。

 其实西布朗喺初段亦分外保守，各项赛事近7仗有6仗开半场和，而这6仗半场*均为0比0，包括上仗大胜彼德堡，半场都系互交白卷，直至78分钟先至打破僵局，可见佢哋初段都系先求唔输，谋定而後动嘅特点，预计今仗初段都会陷於胶着，半场和值得再追。