今晚西甲尾场大战，巴塞隆拿作客「2哥」西维尔。巴塞有迪比、安素法迪等进攻主力因伤缺阵，焗用更多新仔，经验点都争啲，造访防守稳健嘅西维尔难占甜头，加上近年联赛碰头例少交收，2.5球嘅细盘值得捧场。

　　巴塞虽然上仗以3比2击败艾尔切，但对手只系包尾大幡，赢得咁险掩饰唔到佢哋问题多多，尤其系联赛作客进攻乏力，开咧后7仗客场只入9粒，对于堂堂「地上最强」嚟讲，实在惨不忍睹。而且中前场更系伤兵重灾区，首席射手迪比、安素法迪、巴夫韦迪及柏迪均有伤在身要休养，阿古路因心脏病宣布退役，只剩下奥士文尼迪比利、菲腊比古天奴及风格唔啱嘅卢克迪庄可用，主帅沙维惟有焗用加维、尼高干沙利斯及祖格拉等新人，尽管佢哋有潜质但经验始终不足，仲要时间浸淫，令沙维巧妇难为无米炊。

　　西维尔后防坚稳阵

　　另一边厢，西维尔亦有拉美拿、安尼斯利、苏索等攻击手倦勤，但稳健防守先系佢哋今季杀着。更多分析请浏览华体网西维尔开咧后17仗联赛只失12球，系西甲失波最少球队，其中有9仗保持清白之身，可谓铜墙铁壁，今仗仲有防中费兰度法兰斯高刑满复出，可进一步巩固防线。睇番两军近3次联赛正面交锋，合共仅入4粒，全开2球或以下，预计大家都会踢得保守，2.5球嘅细盘更好路。