今晚英超上演「默西赛德郡打吡」，爱华顿主场斗利物浦。「拖肥」虽然战绩欠佳，但主场踢打吡战特别肉紧，同时主帅宾尼迪斯领军倒戈，亦会激起利物浦斗心，况且「红军」以穆罕默德沙拿为首嘅3叉戟火力全开，热捧2.5球嘅大盘。

爱华顿今季请来前利物浦领队宾尼迪斯执教，可惜成绩欠佳，近3场英超主场未赢过，包括以2比5反输畀弱旅屈福特，上场亦以0比1不敌另一支升班球队宾福特，今季13轮联赛竟然得3仗冇失波，防线相当脆弱。但要知道打吡战往往系另一回事详细看华体网，唔能够单单用近况去分析，斋睇近3次「默郡打吡」，爱华顿都未输过，喺主场球迷面前更加唔会龟缩。

肥宾倒戈激发利记斗心

讲番宾尼迪斯，佢2005年带领利物浦於欧联缔造「伊斯坦布尔奇迹」，地位早已升上神枱，但今季毅然执教同市死敌爱华顿，难免会刺激到球*绪，预计今仗会不断被客军粉丝「开汽水」，同时亦激起「红军」众将斗心。加上利物浦今季踢出充满侵略性足球，6场联赛作客总入球均达3球或以上，而且有5场攻入对手3球或以上，单计3叉戟穆罕默德沙拿、沙迪奥文尼同迪亚高祖达，喺联赛合共轰入25粒，射手榜头4位占咗其中3席，单靠自己入波已经够开入球大。不过佢哋近两次对爱华顿失咗4粒，今场未必可保住清白之身，一於捧入球大。