欧联A组巴黎圣日耳门（PSG）主场斗RB莱比锡。PSG一班南美球员及时归队，今场可狂轰对手大门；RB莱比锡教练及主力季前被撬走后，实力今非昔比，佢哋头两轮欧联输晒0得分，今场再唔抢分出线就冻过水，面对实力强横嘅PSG，莱比锡一样要攻， 中位数2.5球入球大捧得过。

　　巴黎圣日耳门几名南美球星，包括美斯、*及迪马里亚等，因要出战世杯外南美洲区赛事，已经缺席上周五联赛，但PSG仍然凭丹尼路彭利拿同基利安麦巴比入波，以2比1反胜昂热。

　　今场美斯及*回归，养精蓄锐出击，虽然迪马里亚停赛，但「MNM」组合重现，球队实力暴升。美斯于上轮欧联对曼城射入世界波开斋，呢名阿根廷球王身经百战，已经4夺欧联冠军，PSG高薪邀请佢加盟，正正就系为咗一尝登上欧洲之巅滋味，不过呢支法国豪门分组赛暂时只得1胜1和，出线唔系想象中咁稳阵，所以今场主场出击，必然全力争取胜利。

　　RB莱比锡喺前教练拿高士文打造下，成为欧洲一股新力量，可惜呢位教头连同后防支柱乌柏美卡奴及队长沙比萨，今夏齐齐被拜仁撬走，因此莱比锡实力大不如前。不过，既然难得出席欧联舞台，当然唔会放软手脚任人鱼肉。莱比锡已经先后不敌曼城及布鲁日，今场再输嘅话，要出线就难上加难，所以点都要死砌！好彩佢哋攻力不俗，近7仗场场有波入，今场作客放开包袱同PSG斗攻，入波唔会少，一于捧入球大。