英超「超级星期六」好戏打孖上！头场重拾霸气嘅曼城主场迎战阿仙奴，领队哥迪奥拿面对「徒弟仔」阿迪达，势必全力追打落水狗；尾场两支争标球队正面交锋，利物浦同车路士喺晏菲路上演「红蓝对决」，谁胜谁负炼过至知！

　　今晚英超重量级大战，由「红军」利物浦主场恶斗「蓝战士」车路士。两队开季同样两连胜兼保持清白身，攻守表现一样咁顶级。正所谓高手过招唔会乱攻，佢哋近4次对碰3次开2球或以下，2.5球入球细值得睇好。

　　VVD复出稳定性大增

　　利物浦开季连胜诺域治及般尼，虽然对手实力较弱，但最重要系佢哋防守重回正轨。事实上「红军」上季大部分时间受后防伤兵问题困扰，搞到联赛卫冕失败，总算保住欧联资格。今季球队卷土重来，华基尔云迪积克（VVD）复出后虽未回复最佳水平，但佢拍住祖尔麦迪比足以令防线稳定性大增，等闲对手想攻陷佢哋唔系易事。

　　车路士头两仗连胜水晶宫及阿仙奴，同样不失一球，共通点系两场同属「伦敦打吡」，今晚佢哋首次离开伦敦作战，不过以杜曹战术嘅稳定性，影响唔会好大。车路士本身防守坚固，前锋线亦获卢卡古回巢，呢位比利时前锋与VVD嘅大斗法，势成赛事焦点。睇番两军近4次交锋，3次开2球或以下，足见高手过招稳阵行先，今晚入球唔会多。