周日早上美洲盃上演王者之战，衞冕嘅巴西喺主场火併死敌阿根廷。阿根廷仲係靠球王美斯单天保至尊，但佢搏到伤晒随时影响表现。「森巴兵团」近5次杀入美洲盃决赛全部封王，例不虚发，有力喺法定时间赢波捧盃，让平半捧上盘。

　　阿根廷今届美洲盃法定时间取得4胜2和未输过，同美斯表现出色有关，佢合共製造9个士哥（4个入球及5次助攻），佔球队总入球（11球）82%。同时亦凸显「潘帕斯雄鹰」进攻极度倚赖美斯。4强互射12码淘汰哥伦比亚一役，呢位队长被踢到足踝受伤流血，仍带伤坚持捱足全场，或会影响今仗发挥。

　　巴西虽有加比尔捷西斯继续坐波监，但王牌*状态托弗，今届美洲盃已入两粒及贡献3次助攻，而且同阿根廷过分倚赖美斯唔同，*身边有唔少星级队友分担进攻重任，李察利臣、罗拔图法明奴及加比尔巴保沙等今届已经开斋，中场卢卡斯柏基达亦连续两场淘汰赛建奇功，攻击点分散更难防范。

　　阿根廷近4次入决赛未威过
　　阿根廷自1993年后未尝大赛冠军滋味，近4次杀入美洲盃决赛均落败，而美斯之前4次率领国家队闯大赛决赛，包括2014年世盃，全部饮恨而回，黑到冇朋友，要打破宿命唔易。相反巴西近5次进身美洲盃决赛，全部成功捧盃，其中4次于法定时间赢波，包括2007年以3比0大胜有美斯压阵嘅阿根廷，摆明有冠军命，加埋地利让平半都冇有怕，力撑上盘。