澳職周五上演大戰，西悉尼流浪者會喺主場迎戰珀斯光輝。西悉尼流浪者近期連贏兩仗後，昇上聯賽次席，多位前線球員進入狀態，入球能力大大提昇，不過今仗對戰兩軍早段防守向來唔集中，經常喺比賽初段失波，預料上半場會出現唔少入球，中位數1.5球球半場大值博。

　　流浪者上場驚濤駭浪下以4比3反勝威靈頓鳳凰，卡華美耶保亞、米歇爾杜基等攻擊球員都有好表現，不過令球迷擔心係流浪者呢場波開賽7分鍾已經失守，係佢哋近5仗之中第4次喺開賽10分鍾內失波，後防專注力不足、入局慢嘅問題非常嚴重。尤其流浪者連勝後信心爆棚，主場出擊必定想盡早搶攻，加上門將贊積杜域有傷，後衞丹尼爾佐治夫斯基上陣成疑，防守力受損，更令半場大開出機會大增。

　　光輝入得又失得
　　作客嘅珀斯光輝今季以「有前冇後」見稱，場均2.3個入波同2.2個失球都係今季澳職最高。同樣地，珀斯光輝上半場防守極唔集中，今季9場聯賽當中只有1場喺上半場保持不失，而且對上6場聯賽，有5場半場總入球開2球或以上，今仗好大機會喺換邊前再演入球大戰，要半場大啱數。