今晚世冠盃头场季军战由非洲代表艾阿里斗南美洲代表彭美拉斯，无论任何大赛，季军战畀人感觉都係多入波，最大原因当然係冇心理包袱，可以大踢开放足球，世冠盃亦唔例外，过去5届季军战总入球全开3球或以上，今场简单捧2.5球大。

彭美拉斯要挽回面子

南美洲代表近年喺世冠盃表现麻麻，对上10届有4支南美洲球队未能进身决赛，不过呢4支球队喺季军战法定时间攞到3胜1和，总入球全开3球或以上，全部都能夺得季军「安慰奖」；彭美拉斯上场输畀堤格雷斯，令后者成为首支进身决赛嘅中北美洲代表，咩面都冇晒，今场更要踢争气波。

艾阿里上场淨吞班霸拜仁慕尼黑两蛋，全场捱打明显技不如人，今场对住实力较接近嘅彭美拉斯，相信球员会落力表现自己。今届係世冠盃改制后第4次有非洲球队亮相季军战，对上3次法定时间总共出现咗9个入波，2次开3球或以上，预计今场亦会上演入球*，大盘属好路之选。