残阵出击以守代攻

今晚西盃4强首回合，西维尔主场火併巴塞隆拿。西维尔进攻核心奥甘波斯同队长捷西斯拿华斯因伤缺阵，侧击力大减，好彩佢哋防线犹如铜牆铁壁，面对有美斯助阵嘅巴塞，一定先做好防守，2.5球嘅入球细更可取。（周四凌晨4时开赛）

西维尔虽于上仗联赛大胜基达菲3比0，但下半场奥甘波斯被对手踩伤左足踝，唔单止要立即退下火线，赛后证实佢扭伤足踝，预计要抖1个月，而近年改任右闸嘅捷西斯拿华斯亦未好番，冇咗两大边路好手，对擅打侧击嘅西维尔嚟讲，打击甚大。不过要留意，连盃赛在内，西维尔近7仗于法定时间豪取6胜1和，兼且仅失1粒，防线固若金汤，係战绩稳步上扬嘅关键。

巴塞后防新星有伤难披甲

巴塞上仗联赛作客贝迪斯，特登将队长美斯先放后备，摆明想畀佢抖抖，点知球队又唔争气先落后，搞到佢老人家都要落场救火，最终反胜3比2，最惨係今季崛起嘅防线新星朗奴阿拿奥祖喺初段伤出，今仗未能披甲，冇咗呢位表现稳健嘅中坚，相信「地上最强」客场亦唔敢乱攻。

加上今仗只係首回合，尤其係西维尔更加唔想畀巴塞取得作客入球，遇强必定稳阵为上，呢支塞维利亚球队近4次出战西盃，3次开2球或以下，不妨向2.5球嘅细盘埋手。