澳职周日有进攻「大」战上演，开季即製造连场大比数嘅珀斯光辉，将会作客火力强横嘅墨尔本城。光辉锋线粒粒皆星，今场更有中场大脑迪亚高卡斯度强势复出，教练加西亚一向主张进攻大过天，再追2.5球嘅入球大！
　　
　　珀斯光辉今季最迟开锣，但为赶赛程近期赛程频密，今场係佢哋12日内第4场联赛，之前3轮都係大手交易，3场赛事合共入10球兼失10球，近2场作客分别4比5不敌西部联，以及1比2输畀墨尔本胜利，教练加西亚早前表示：「只要我哋总比数係入多过对手1球，咁失几多波都唔係问题。如果每场作客都入到4球，我唔相信每场都失5球。」

　　墨城勐火有力对攻

　　光辉攻击铁三角科拿路利、历克迪亚高斯天奴同卡路阿利文图都各有3球进帐，而且西班牙中场大脑迪亚高卡斯度今场将会复出，有呢个发电机在阵，球队进攻力将更加强劲。尤其佢哋两大星级后防施巴斯坦兰甘同太田宏介仍然缺阵，以攻代守係唯一出路，光辉近5仗有4场总入球开3球或以上、3场开4球或以上，开大机会高唱入云。

　　墨城上季常规赛入49球，同FC悉尼并列澳职入球最多球队，王牌前锋占美麦卡伦上场开斋兼上演绝杀，对佢提升信心会有好大帮助，睇番佢哋喺地头出击多数以进攻踢法迎敌，估计今仗好大机会演入球*。