今日宁宁舍舍有一场英足盃第3圈，非联赛球队史托港主场对韦斯咸。论实力韦斯咸当然高几班，但球队人脚所限，近年英足盃都出副选，作客时成绩大打折扣，加上「锤仔帮」作客踢得保守，近6场5次开半场和，遇正龟缩嘅史托港，再追半场和啱数。（周二凌晨4时开赛）

　　史托港备战充足必死守

　　史托港依家係英格兰第5级联赛球队，即係英乙对落一级，今次係佢哋自2007年英足盃第3圈斗屈福特之后，14年来再度斗英超球会，球会上下都隆重其事。原本1月5日联赛对伊斯特利嘅赛事因对方有人确诊取消，史托港多咗时间休息备战。

　　史托港状态唔错，单计主场近10场只输过1场，咁当然啦，毕竟佢哋只係非联赛球队，水平梗係低啲，主场都唔会同「锤仔帮」斗攻，但龟缩死守唔係博唔过。

　　韦斯咸英足盃客场表现麻麻，过去8场英足盃作客，只係赢过2场，加上佢哋近6作客5次开半场和，喺唔会夫添出击，加上严寒天气之下，初段冇咁快入局，半场未必咬得入史托港，捧半场和最明智。