热刺入球王 孙兴民

　　神锋斗入波

　　今晚英超重头戏，热刺主场硬撼李斯特城，唔单止係英超冠军之争，亦係神射手之争。热刺孖宝孙兴民同哈利卡尼弗到震，「狐狸」亦有Big 6杀手占美华迪挂帅，加埋占士麦迪臣同哈维班尼斯，锋力同样唔简单，两军近7次联赛交手合共炮製31球，6次总入球开3球或以上，今场肯定入球停不了。

　　热刺上周中作客利物浦以1比2输波，被红军抢咗1哥位，唔想被进一步抛离，今场定必搏尽，好彩两大王牌都弗，今季联赛合共轰入20球，已经喺联赛射入11球嘅孙兴民，啱啱获国际足协「普斯卡斯奖」冲喜，而热刺天王哈利卡尼过去6季喺圣诞、新年快车上阵24场入23球，平均每场接近入1球，效率奇高，今季有力延续这个优良传统。

　　今月初主场对阿仙奴嘅北伦敦打吡，热刺凭呢对孖宝各建一功，以及互相助攻以2比0获胜，演出丝丝入扣，默契十足，连同呢场在内，热刺联赛连盃赛主场已经6连胜，地头出击当然要继续争取士哥争胜。

　　占美华迪专剋强队

　　李斯特城今季有占美华迪大爆发，球队今季6场联赛作客5胜1负，包括击败曼城及阿仙奴2支Big 6球队，「华Dee」喺作客5比2大胜曼城一役演出帽子戏法，作客赢阿仙奴亦一箭定江山。占美华迪向来係强队剋星，历来同英超Big 6交手70次，一共射入38球，而且佢今季10个联赛入球，有8球于客场取得，再加上今季无论盃赛定联赛都表现出色嘅占士麦迪臣同哈维班尼斯帮拖，作客入波冇难度，2.5球大必捧。