英超强弱悬殊之战，曼城主场对西布朗，「蓝月亮」曼城已经走出季初低谷，球队愈战愈勇，近3次主场更加全胜，合共轰入10球兼不失，预料西布朗防线难以招架，加上曼城近11次对赛全胜西布朗之馀，当中10次上半场已经领先，半场主胜*偏热，可捧中位数1.5球嘅半场大。

　　曼城喺季初因为频频失分，导致争标形势上一直处于落后；不过呢支富豪球队始终人脚质素佳，加上领队哥迪奥拿教波功力深厚，佢哋已经重上正轨，并进身欧联16强。趁明年2月中欧联淘汰赛展开之前，曼城可以专注英超比赛，预料成绩会稳步上升。

　　虽然「蓝月亮」上场作客仅同曼联打和，但佢哋主场出击一向赢波把握甚高，即使对弱队亦绝不留手，往往可以迅速奠定胜局。其中近两场英超主场分别大胜般尼5比0，以及赢富咸2比0，都係上半场已经攻入两球，今场遇上护级分子西布朗，相信曼城上半场入两球或以上，机会甚高。

　　西布朗惯性捱打
　　至于西布朗今季6场联赛作客只有1和5负，其中5仗上半场落后，可见佢哋往往都係捱打，想守都守唔住，更何况今场对手係劲旅曼城，恐怕更加无还击之力。西布朗对上1次作客曼城，大败0比3而回，上半场19分钟已经落后。另外，双方近5次联赛交锋，有4次上半场总入球係两球或以上，半场大值得捧场。