死亡H组抢分激战
　　欧联分组赛「死亡H组」果然名不虚传，去到周三凌晨最后一轮，仍然由3大劲旅以同分争夺两个出线资格，当中重头戏必属RB莱比锡主场迎战曼联。由于曼联喺首循环曾5球大破RB莱比锡，因此「红魔鬼」今场只要唔输就可以出线，相反RB莱比锡已落入非胜不可境地，主场出击势必狂攻，同曼联嘅凌厉反击大斗法，开出中位数2.5球入球大嘅机会相当高。

　　多得首循环大胜RB莱比锡，因此曼联无论係同呢支德甲球队对赛成绩，抑或喺3队（包括巴黎圣日耳门）同分下都可以出线；换言之「红魔鬼」今场只要和波就完成晋级任务。虽然係作客出战，加上巴西中场费特洛迪古斯又要停赛，但曼联今季作客成绩极为优异，快速反击战术喺客场比赛发挥得淋漓尽致，面对RB莱比锡进攻，「红魔鬼」会有大量反击入球机会。

　　连埋上场英超作客反胜韦斯咸3比1，曼联今季5场联赛作客都係先落后、再反胜，加上「红魔鬼」过去7场欧联作客赛事，总入球全开3球或以上，可见曼联喺作客比赛就算守唔住，锐利反击都可以帮佢哋反败为胜。

　　莱比锡主场劲旺入波
　　主场嘅RB莱比锡目标鲜明，预期巴黎圣日耳门喺同时间开波嘅另一场可以赢波情况下，莱比锡今场只有赢波先能够晋级，採取主动抢攻係唯一出路。RB莱比锡主场战绩强劲，佢哋已经连续7场主场赛事赢波，而且每场都可以攻入至少2球。喺出线关键时刻，RB莱比锡上轮作客巴沙克舒希亦採取进攻踢法，最终激战下赢4比3，预料今场冇退路会继续冒险抢攻，开「大」盘机会极浓。