精锐尽出斩瓜切菜
　　听朝世盃南美区外围赛首轮有阿根廷登场，喺主场迎战厄瓜多尔。阿根廷球王美斯一直视世盃冠军为终极目标，斗心唔使怀疑，伙拍拿达路马天尼斯及奥甘波斯，必定火力全开，不过佢哋条后防实在唔太稳阵，随时与厄瓜多尔合演入球*，中位数2.5球入球大必捧。

　　美斯唔经唔觉已33岁，2年后嘅卡塔尔世盃决赛周，极有可能係佢「最后探戈」，为圆捧盃梦一定拚尽，当然，先决条件係打好外围赛，争取入场券喇。阿根廷主帅史卡朗尼早前讲过，唔会学巴塞教头朗奴高文用美斯装「假9」，据报佢打算採用4312阵式，美斯会出任进攻中场，前面会起用拿达路马天尼斯同奥甘波斯，为呢位队长开路，相信会擦出火花。

　　但相对之下，阿根廷嘅中后场级数真係差一截，热刺中场卢施素因伤退队，可能要起用里安度柏利迪斯、迪保罗等工兵，点都争啲，而防线更加恐怖，由曼城弃将奥达文迪担大旗，见到个心都离一离，加上史帅爱用河床门将法兰高艾马尼，令转投维拉表现神勇嘅达米安马天尼斯无用武之地，随时又变得有前冇后。

　　厄瓜多尔唔会玩死守
　　厄瓜多尔大部分球员都喺美洲搵食，只得卡路士古路素、诺保亚、安拿华伦西亚等仍外流欧洲，不过佢哋一向崇尚进攻，上届世盃外9场作客8仗有失波，确係唔玩死守。加上双方近4次正面交锋，合共炮製16个士哥，有3仗开3球或以上，其中1仗美斯更大演帽子戏法，预计今仗都係大手交易。