英超上季盟主利物浦作客阿士東維拉，紅軍前鋒沙迪奧文尼賽前確診新冠肺炎，並有輕微病徵已經隔離，連同新兵堤亞高艾簡達拿，4日內第2位紅軍球員中招，攻力受損。另邊廂，維拉門將達米安馬天尼斯來投後令防線固若金湯，3.5球嘅細盤值得一博。

　　沙迪奧文尼確診消息令人震驚，因為佢係4日內第2個中招，之前比賽領隊高普成日同佢攬頭攬頸，都唔知會唔會有人繼續輪流中招，大家*前真係要留意最新發展。除咗佢兩個，佐敦軒達臣亦缺陣，缺少咗幾個中前場核心人物，要攻破維拉防線自然更加困難。

　　維拉後防昇呢變鐵壁

　　反觀主隊阿士東維拉，佢哋今夏大事擴軍，先後重金簽入馬迪卡殊、達米安馬天尼斯、奧尼屈堅斯及貝拿特查奧爾，早前仲向車路士成功借用巴克里，加上靈魂人物基亞利殊留隊兼續約，使人腳實力大幅提昇。

　　值得留意嘅係，呢班新兵中以門將達米安馬天尼斯表現至關重要，喺佢把關之下，配合英格蘭國腳泰朗明斯領導嘅防線，令維拉由上季聯賽失波第2多嘅球隊，變成連續2場贏波兼保持清白身，進步相當明顯。再睇埋往績，維拉近7次聯賽主場斗利物浦，有6次總入球開3球或以下，捧3.5球細啱數。

　　早場阿仙奴上盤噼「錫」

　　至於阿仙奴主場對錫菲聯，上季表現令人眼前一亮嘅錫菲聯，今季開咧後3戰皆敗北，上季效率極高嘅穩守突擊完全唔work，今仗作客凶多吉少，阿仙奴讓一球照捧上盤。