主場出擊演*騷

　　今晚有4場瑞典超，重心推介希爾星堡主場對天狼星。雙方上周中先交過手，天狼星主場贏3比1，今晚主客互換，希爾星堡勢必把握地利報仇，但佢哋防線不穩，搶攻下難保不失，最好揀中位數2.5球嘅入球大。

　　希爾星堡今季勝率唔高，15場聯賽僅得2勝，但整體表現硬淨，近10場取得2勝6和2負，要擊敗佢哋並唔係咁容易。佢哋主場出擊尤其准繩，近4次主場取得2勝2和，為改善聯賽排名，今場正係佢哋搶分良機，勢必主動出擊。

　　睇番希爾星堡對上1次主場對諾高平，上半場3分鍾就失守，及後傾力反撲，最終反勝3比2，斗心十足。不過佢哋防守始終較弱，近3場就失咗9球，與其望佢哋贏波，不如博大盤更劃算。

　　天狼星近期多波入

　　客軍天狼星踢法非常進取，近4場勁轟10球，兩位中場維基亞及杉田祐希也今季分別有7球及6球進帳，腳風非常順，以佢哋強大攻力，攻破希爾星堡大門唔難。天狼星近5場有4仗總入球達4球或以上，入球大值得追捧。