周二凌晨非洲盃分组赛最后一轮对决，D组南非将会硬撼摩洛哥。摩洛哥小组头2轮赢晒兼未过1球，已经提前出线，对住攞多1分亦有机会以最佳第3名身份晋级嘅南非，摩洛哥只要保持稳健嘅防守表现，对手攻力麻麻根本唔会有机会製造到威胁，半场和值得留意。

　　摩洛哥作为2018世盃决赛周分子，阵中人脚实力绝对有番咁上下级数，其中后防多位主力都有欧洲顶级联赛嘅揾食经验，除咗曾经效力祖云达斯嘅队长贝拿迪亚之外，耶辛尼保奴上季作为基罗纳主力门将，喺西甲赛场都有神勇表现，加上有阿舒拉夫同马沙拉奥镇守左右两闸，令球队可以立足于不败之地。摩洛哥能够提早锁定16强席位，同呢班防线勐将表现出色有好大关係。可惜进攻效率就有待改进，原本应该担大旗嘅阿积士球星薛耶治，喺国家队踢法过于独食，未能发挥出最佳水准。

　　现时3分在手嘅南非，虽然赢波就可以首名晋级，不过佢哋都应该意识到自己实力同摩洛哥实在有差距，假如一味抢攻未果仲畀摩洛哥赢番转头，随时落得输波提早执包袱嘅下场。所以呢场相信都会审慎行事，况且球队近2仗半场都同对手打和，半场随时难分高下。