亞冠盃16強首回合開打，東亞賽區爆日職及中超內訌！鹿島鹿角主場斗廣島三箭，衞冕嘅鹿角分組賽表現雖嫌略失色，但最後一輪擊敗FC山東成功突圍，主場威力仍在；三箭近年作客鹿角輸多贏少，主勝有買趁早。

　　鹿角今屆分組賽先後不敵FC慶南及柔佛DT，要靠最後一場主場擊敗FC山東，先以2分力壓FC慶南出線。連呢場在內，鹿角近8場亞冠盃主場豪取7勝勁轟18球，加上聯賽主場亦取得6連勝，為打好晉級基礎，必藉主場之助先拔頭籌。

　　三箭未踢最後一輪分組賽前已獲16強資格，比起對上一次2016年參賽喺分組賽出局大有進步，不過球隊近7次作客鹿角法定時間僅獲1勝2和4負，面對主場氣勢如虹的鹿角絕不易應付，主勝乃不二之選。