周二凌晨歐洲波繼續上演，等阿King同大家講講過關心水。其中意甲壓軸戰，國際米蘭主場斗基爾禾，國米為保前4已無失分空開，呢場面對已經鐵定降班嘅基爾禾，相信以國米鼎盛陣容，絕對夠卡士大炒一場，讓球主勝值博。

　　國米近期戰績麻麻，連續4場主場都贏唔到，令前4形勢又再出現險情，不過睇真啲，呢4場波嘅對手係祖雲達斯、羅馬、阿特蘭大等前列分子，失分都無可厚非，目前佢哋聯賽尚馀3仗，今晚對住由負分起步，如今篤定降班嘅基爾禾，贏波3分志在必得，加上佢哋嘅射手莫路伊卡迪為博表現爭入阿根廷國家隊出戰美洲盃，遇弱肯定搶住數胡，即使今仗要讓兩球照捧讓球主勝。