力爭躋身西甲前四的西維爾，於周四在主場迎戰包尾的華歷簡奴。西維爾上輪聯賽大敗於競爭對手基達菲腳下，今仗重返主場斗近態一般的華簡，料會出盡力誓爭贏波，西維爾讓一球/球半，照橕上盤

　　周日西甲西維爾作客斗同樣力爭入前四的基達菲，最終竟慘敗0:3，而隨著同日華倫西亞贏波，排名下滑。不過，兩支競爭對手今輪都遇上強敵，其中基達菲就要惡斗皇家馬德里，故斗包尾的華歷簡奴絕對是反超的好時機。今仗西維爾有左閘沙治奧艾斯古迪路停賽，但兩位箭頭蒙尼亞艾哈達迪及賓耶達同樣在陣，有力大炒對手。至於客軍華歷簡奴亦跌至榜尾，球隊狀態一般，加上作客近六戰全敗，今仗面對上場大敗的西維爾，勢成對手出氣袋。

　　同日另一場，位列中游的皇家蘇斯達於主場斗「黃色潛水艇」維拉利爾，後者周日主場力克雷加利斯後，降班危機有所減輕，但仍未能掉以輕心。今仗黃潛作客斗大踢風流波的皇蘇，對手近9場只嘗1勝，無欲無求之下，黃潛有望再取三分，平手盤橕維拉利爾。