德甲爭冠進入直路，周日位列次席的多蒙特作客弗賴堡。「蜜蜂兵團」尚餘賽程必定去盡，鬥心不容懷疑。然而，球隊今年作客即使贏波亦未曾贏多過一球，讓一球/球半實在太狠，博下盤。

　　多蒙特在國家打吡大敗予拜仁以後，上輪返回主場以2:1力克緬恩斯，力保爭冠希望。眼下多蒙特已經不再如季初追求大勝，而是每場比賽力取三分。翻查數據，進入2019年以來，多蒙特作客只贏過兩場，而2仗均是僅淨勝1球，今仗面對曾主場守和拜仁的弗賴堡，大勝有一定難度，博贏波輸盤。

　　同日另一場，鐵定降班的漢諾威作客鬥近況極差的哈化柏林。包尾大幡漢諾威已經聯賽八連敗，而對手柏林已五連敗，教練戴達亦因此被炒，柏林士氣受挫下未必贏硬，漢諾威受讓一球撐下盤。