富咸要力爭直接升班，在周五的英冠「獨腳戲」的對手又是包尾兼已告降班的新特蘭，預計富咸可以在主場小屋球場順利勝出；「讓球主客和」富咸[-2]照捧「主勝」。

　　富咸目前以44戰得85分排第三位，落後次席的卡迪夫城一分，並多第四位的阿士東維拉三分，而英冠只有首兩位球隊可以直接升班。由於榜首的狼隊已肯定封王，即是說直接升班位，就只剩下聯賽亞軍一席；若富咸希望直接重返英超，今迎新特蘭時就必拼。雖然富咸今季開局表現麻麻，但越戰越勇，近22場聯賽不敗，共獲17勝五和，近14場主場聯賽更獲11勝三和，今迎新特蘭時，球員比賽信心頗足。

　　人腳方面，富咸料續缺前鋒阿耶迪及中場舒爾奧祖，但其餘主力如前鋒阿歷山大米祖域、中場盧卡斯比亞桑及賴恩施斯隆等都可以候命，人腳仍然齊整，不難在新特蘭身上取得入球。

　　「黑貓」新特蘭今季降班英冠角逐，但表現毫無起色，目前包尾之餘更肯定降班，球隊要「兩連降」，士氣麻麻。黑貓近16場只得一勝六和九負，今訪富咸時又未能「夫添」，前鋒連頓古治、鄧肯禾特摩亞、中場祖爾艾蘇路及後衞當奴路夫肯定缺陣，陣殘又態沉，受讓也難看好。