众将争表现迎新帅

今晚英超快车焦点将落喺头场车路士主场斗狼队身上；车仔日前辞退主帅林柏特后，盛传已火速倾掂早前被巴黎圣日耳门（PSG）炒鱿嘅杜曹，呢名47岁德国籍教头据报已同意车仔开出嘅合约，并有机会喺今场首次领军，一众「车手」喺新帅面前当然更搏命，遇上近期失波数字激增、近5场联赛作客有4次开3球或以上嘅狼队，2.5球大盘係*首选。

上年尾被PSG解僱嘅杜曹一直係车路士新帅目标，林柏特被炒后斟介行动非常顺利，《天空体育》消息指杜曹同意签18个月短约（外加续约条款），但法国《RMC》就话杜曹签约4年半。杜曹目前正喺德国等候新冠肺炎检测报告，只要证实无碍就可以即刻飞去英国签约。消息指车路士正尝试解决杜曹到达英国后隔离嘅问题，球会有信心可以用「精英运动」特例为杜曹争取豁免，令佢可以喺今场对狼队首度领军。

狼队后防穿窿

杜曹一向係进攻型教头，接掌车仔后手执迪姆华拿、夏维斯、薛耶治及基斯甸普列锡呢条豪华锋线，断估唔会改变主攻踢法，而且一众球员为喺新帅面前争取表现，落场肯定唔会揸流摊。事实上，车路士今季9场联赛主场攻入19球，主场入球数字仅次曼城及利物浦，不过，车路士近5场联赛失9球，防线唔算稳阵，而且佢哋上场英足盃对英冠卢顿都有失波，防线积弱问题唔係咁快解决到。

狼队上场于英足盃1比0险胜第6级联赛球队佐利过关，表现唔太标青，佢哋近6场英超只得2和4负，其中近3场入6球、失8球，前面入波唔够后面输，不过狼队对上1次喺英超赢波，正係首循环主场以2比1反胜车路士，双方今场再交手，狼队心理上有一定优势，作客史丹福桥无惧与主队斗攻，有利製造大比数赛果。