快车头场有韦斯咸主场对西布朗，两支踢传统英式足球对碰，互相制衡之下，入波唔会多。韦斯咸近排入波都係边路传中或死球，遇着硬桥硬马嘅西布朗无着数，不过「锤仔帮」防守够集中，近4战保持不失，西布朗想入波亦好难，睇嚟呢场波来球往格局，捧2.5球入球细好过。

　　莫耶斯同艾拿戴斯都係传统英式足球领队，踢法互相剋制。两军都有主要前锋离队，赢得英超12月份最佳入球嘅韦斯咸前锋施巴斯坦贺拿，已经转投阿积士，而西布朗射手查理柯士甸亦被外借到昆士柏流浪。

　　西布朗攞1分都心足
　　连同英足盃，韦斯咸近4场保持不失，防守做得唔错，其中3场都係赢1比0，3球波都係来自边路进攻，传中后入波或製造溷乱演化成入球，呢一套喺西布朗较难做到，因为西布朗后防硬淨，而且清波简单利落，艾拿戴斯喺作客情况下，唔介意踢「擦鞋仔波」，务求攞1分亦心满意足，今场相信入波唔会多，捧入球细啦！