7M新闻 > 赛前分析 > 分析 > 正文
相关新闻搜索:

荷蘭放手同葡萄牙搏仲數

www.7m.com.cn 2004年06月30日  来源:太阳報
  今晚第一場四強大戰兩個主角,葡萄牙荷蘭都係開頭唔好,跟手愈戰愈勇,所以今場波可以講係勢均力敵,我對呢兩隊波都冇乜特別感情,純粹從睇波角度去講,我覺得荷蘭晉級對球迷好處大,因為佢比較重進政,畀到球迷官能刺激。

  當然,希望唔等於現實。由於葡萄牙有主場之利,好似佢對英格蘭場波,蘇甘保完場前個頭槌,如果換係英格蘭主場,恐怕個球證唔敢吹詐胡,正因為呢個原因,荷蘭攻擊力雖然強過葡萄牙,不過呢主場因素,一定會畀到佢好大困難。

  但係我認為荷蘭只要打得主動一,將自己當做弱旅放手一搏,肯定可以抵銷一部分葡萄牙主場優勢。由於佢上一場雖然打破互射十二碼例輸宿命,但係如果太過求穩,搞到又要玩俄羅斯輪盤呢個遊戲,對方仲要係主隊,對佢十分不利,呢一點我相信艾禾卡特同班荷蘭國腳都會知道,所以佢九成九都會希望九十分鐘入面解決對手。

  以我睇法,葡萄牙雖然有主場優勢,但係心理壓力亦會大過荷蘭好多,假如場波打到七十零分鐘未分勝負,佢會愈愈求穩陣,以免前功盡廢,呢個時候會係荷蘭贏波好時機。
更多关于""的新闻
今日赛前分析头条 更多»
昔日三冠王恐无力登顶

  对阵双方:浦和红钻(主) vs 大阪钢巴   初盘:0.85 半球/一...

本站声明| 联系我们| 报告错误| 网站导航| 返回页顶

提醒:第三方机构可能在7M体育宣传他们的产品或服务,7M体育将不保证其宣传信息的准确性,您跟第三方机构的任何交易与7M体育无关,7M体育将不会对可能引起的任何损失负责。

粤ICP备08004827号