7M新闻 > 赛前分析 > 分析 > 正文
相关新闻搜索:

英格蘭硬克羅地亞

www.7m.com.cn 2004年06月21日  来源:太陽報
  
山度士是日出擊心水
  就算明知法國在另一場失分的機會微乎其微,但英格蘭為保首名出線的一絲希望,今場面對同樣力爭贏取三分的克羅地亞,相信不會有任何保留。寄望朗尼能再次發揮射手本色,協助球隊晉級八強之同時,亦幫到各位上盤客贏錢!今場英格蘭初盤僅讓半球,博得過!(有線足球61台香港周二凌晨02:45直播)

  無錯今場英格蘭只要和波都可以出線,但係你估克羅地亞班大哥會咁順攤咩?克羅地亞咪一樣要搶分博晉級,而且班人都希望可以大賽爭取表現,為自己將來謀幸福,你班英國佬諗住就住踢,結果只會自找麻煩。所以我敢講今場英格蘭班波實會出真料,贏波應該無問題。 

英球星唔錫身搏老命

  問心講,雖然我同「豪豬」一樣都不太喜歡英格蘭,陣中幾名所謂球星,真係睇到佢後面就唔妥佢前面。但係唔知點解,呢隊英格蘭今次歐國杯,好似變第二隊波咁。平時英超打橫行的球星,竟然不理自己身嬌肉貴,無論係硬撼法國,還是迎戰瑞士,兩仗都有傾力演出。又飛又剷,絕不錫身,睇到我不知幾過癮,相信各位朋友都有同感。一支表現如斯拚搏的英格蘭,我實在唔希望佢咁早出局,所以決定支持佢今仗可以再贏一場,有六分梗係出線啦!一個唔覺意,法國有咩依郁,英格蘭拎埋個首名出線資格就爽喇!

  雖然英格蘭一直遭外界批評入球能力不足,奧雲兩場比賽的表現又差強人意,好在還有一個肥仔嘜朗尼。如果唔係朗尼,英格蘭上場未必可以贏瑞士贏得咁易,今場只要朗尼交番上場贏瑞士的水準,應該可以再次成為球隊贏波功臣。或者有朋友會問,唔係喎,克羅地亞班後防硬淨過瑞士好多喎!係呀!我都覺得克羅地亞防守好好多,就係咁,朗尼那種力量與走位兼備的踢法,肯定會為克羅地亞一班踢法砰砰聲的後防帶來不少麻煩。就算朗尼自己搵唔到食,都可以博到罰球,到時碧咸咪大把機會囉!今場一於捧上盤! 

發達錦囊

克羅地亞負英格蘭
總入球:3球
波膽 1:2
半全場:客/客

足智彩讓球
英讓半球:英格蘭勝

亞洲盤
英讓半球:捧上盤 
更多关于""的新闻
今日赛前分析头条 更多»
昔日三冠王恐无力登顶

  对阵双方:浦和红钻(主) vs 大阪钢巴   初盘:0.85 半球/一...

本站声明| 联系我们| 报告错误| 网站导航| 返回页顶

提醒:第三方机构可能在7M体育宣传他们的产品或服务,7M体育将不保证其宣传信息的准确性,您跟第三方机构的任何交易与7M体育无关,7M体育将不会对可能引起的任何损失负责。

粤ICP备08004827号