7M新闻 > 赛前分析 > 分析 > 正文
相关新闻搜索:

全面睇好英格蘭開齋

www.7m.com.cn 2004年06月17日  来源:太阳报
  同好多英格蘭擁躉一樣,我始終認為佢第一場波輸畀法國,完全係運氣唔好,雖然中間係有球員犯錯,但係就無損我對佢信心,今晚我依然睇好英格蘭可以開齋擊敗瑞士。

  由細到大睇英格蘭波,我發覺佢每逢到背城借一環境,種決心就會出晒,班人會打得特別好,其實上一場波打法國,英格蘭俾人睇低同樣有功課交到,就證明佢係一支遇到困難反而愈醒球隊。

  好多人睇過B組頭兩場波,都覺得瑞士組織力唔錯,防守亦四平八穩,仲有個軒索斯好熟英國波路,今場英格蘭未必有條件話贏就贏。但係就克羅地亞對瑞士場波講,畀我印象最深有兩點,一係克羅地亞冇以前班好技術球星之後,已經變打英式波,高Q大腳,但係畀到瑞士好大威脅,如果唔係瑞士夠運,克羅地亞班前鋒腳頭無靈,瑞士可能要輸波。二係瑞士個龍門史泰爾年紀大,個身粗壯到似條柱咁,反應唔算快,幾乎俾人笠死出醜,真係搞笑到震。瑞士應付克羅地亞都咁吃力,碰到速度更快,效率仲高英格蘭,想守和都唔容易。

  今場波可以話係英格蘭生死存亡之戰,一分都有出唔到線危險,必須全取三分至掂,所以我睇好佢可以今場波開胡,當然亦會香港呢邊全力幫佢打氣。
更多关于""的新闻
今日赛前分析头条 更多»
昔日三冠王恐无力登顶

  对阵双方:浦和红钻(主) vs 大阪钢巴   初盘:0.85 半球/一...

本站声明| 联系我们| 报告错误| 网站导航| 返回页顶

提醒:第三方机构可能在7M体育宣传他们的产品或服务,7M体育将不保证其宣传信息的准确性,您跟第三方机构的任何交易与7M体育无关,7M体育将不会对可能引起的任何损失负责。

粤ICP备08004827号